Балачак мизгелләре

Подробности

Создано 02.06.2023 08:37

Баларны яклау көне уңаеннан, Татар Томбарлы авылы балалар бакчасы ишегалдында күңелле бәйрәм үткәрелде. Чараны китапханә, мәдәният йорты һәм балалар бакчасы хезмәткәрләре бергә әзерләде.

Бәйрәмгә килгән балалар ике команда бүленеп ("Мияу-мияу" һәм "Чи-чи") үзара төрле биремнәрдә ярыштылар, үзләренең осталыкларын, җитезлекләрен күрсәттеләр Китапханәче балалар белән әдәби викторина үткәрде. Чара төрле уеннар, биюләр, бәйгеләр белән үрелеп барды. Бәйрәмгә сюрприз ясап килгән әкият геройлар чараны тагы да бизәп җибәрделәр, балаларның да йөзеннән елмаю китмәде. Бәйрәм барсына да бик нык ошады.