Вахта памяти
- Подробности
- Создано 15.04.2025 16:16
- Автор: Imaeva Asiya
15 - нче апрель көнне, Исергәп авыл китапханәсе, Мәдәният йорты, мәктәп белән берлектә, “Хәтер вахтасы”нда якташларыбыз” дип исемләнгән чара - Баулы районының “Патриот” эзләнүләр отрядының командиры Зөлфия Рәсим кызы Латипова белән очрашу үткәрделәр.
Хәтер вахтасы-ел саен уздырыла торган Бөтенроссия акциясе. Аның барышында эзләү отрядлары Бөек Ватан сугышы барган урыннарга экспедицияләргә китә. Тарихи эзләнүләр һәм казу эшләре нәтиҗәсендә Бөек Ватан сугышында һәлак булган солдат һәм офицерларның исемнәрен ачыклау эшләре алып барыла.
Авылдашыбыз Зөлфия Рәсимовна, отрядларының эзләнү эшләре турында сөйләде, бик күп фото-видеоматериаллар белән уртаклашты, экспонат- табылдыклар белән таныштырды.
Катнашучы урта яшьтәге мәктәп балалары, зур кызыксыну белән Зөлфия апаларының чыгышын тыңладылар. Мондый чаралар мәктәп укучыларының патриотик сыйфатларын формалаштыруда зур әһәмияткә ия.
