“Китапка икенче тормыш бүләк ит”: Тат.Томбарлы авыл китапханәсендә акциясе

Подробности

Создано 13.03.2014 10:52

В Тат-Тумбарлинской сельской библиотеке проходит акция "Подари книге новую жизнь". 11 марта учащиеся, пришедшие в библиотеку, выступили в роли "книжных докторов". Библиотекарь Эльвира Ахметзянова рассказала ребятам как правильно обращаться с книгой, чтобы она прослужила дольше.

Тат.Томбарлы авыл китапханәсендә “Китапка икенче тормыш бүләк ит” акциясе бара. Акциянең максаты – авыл китапханәләре фондын әдәби һәм башка төрле китаплар белән тулыландыру. Аның бурычлары: авыл халкын китап укуга тарту, китапка карата гуманлык һәм сакчыл караш тәрбияләү. Акциядә катнашу ирекле,теләгән барлык кешеләр дә катнаша ала. Яхшы хәлдә сакланган барлык китапларны да китапханә кабул итә.

Шулай ук 2013 елны китапханә фондыннан чыгарылган иске татарча әдәби китаплар мәктәп китапханәсенә тапшырылды. Анда үзләрендә булмаган,мәктәп программасы өчен кирәк булган китапларны шатланып кабул иттеләр.
11 март көнне китапханәгә килгән укучы балалар чын-чынлап китап докторына әверелделәр. Алар үзләре яратып укый торган китапларны дәваладылар: кайчы, клей, кәгазь,скотч ярдәме белән китапларга “җан керттеләр”. Эш барышында китапханә мөдире Ахметзянова Эльвира балаларга китапны ничек кулланырга, саклап тотарга, чиста, пөхтә, барлык битләре исән булган китапны гына укуы күңелле икәнен аңлатты. Чараның максаты да китапларга сакчыл караш тәрбияләү, китапны кадерләү иде. Балалар үзләре башкарган эштән канәгать калдылар.