Балалар өчен Сабан туй

• 

Подробности

Создано 02.06.2015 16:58

Күңелле сабан туйлары -
Бүген бәйрәм, зур бәйрәм.
Матур җырлар җырлый-җырлый
Уйныйбыз әйлән-бәйлән.

1 июнь - Балаларны яклау көне уңаеннанТатар Томбарлы авылы мәктәбенең, спорт-уен мәйданчыгында балалар сабантуе гөрләп  үтте. Чараны мәдәният һәм китапханә хезмәткәрләре әзерләде.

Матур итеп бизәлгән мәйданчык, балалар җырлары һәркемне бәйрәмгә җәлеп итте. Төрле әкият геройлары булып киенгән алып баручылар, килгән балаларны бәйрәм белән котлап, шарлар бүләк иттеләр, уеннарда катнашырга чакырдылар.

Балалар өчен оештырылган сабантуй, авыл сабантуеннан аерылмады. Балалар атта да чаптылар, кашыкка йомырка салып та йөгерделәр, аркан да тарттылар. Шулай ук  "Бу музыка кайсы мультфильмнан",  "Әкият героен таныгыз" кебек уеннарында да балалар бик актив катнаштылар. Бәйрәм бик матур, күңелле үтте, барысына да ошады.

Эльвира Әхмәтҗанова, Татар Томбарлы авылы китапханәсе мөдире.

м